Këshilli i Prokurorial i Kosovës (KPK), njofton se është mbajtur takimin e 257-të me radhë.

Në këtë takim të udhëhequr nga kryesuesi Ardian Hajdaraj, janë marrë disa vendime, përcjell Arbresh.info.

Vendimet që u morën:

Miratoi Raportin për periudhën gjashtëmujore (janar–qershor 2024) të Mekanizmit Përcjellës Ndërinstitucional për Veprat Penale Karakteristike;

Miratoi Rregulloren për Themelimin e Marrëdhënies së Punës me Kontratë për Periudhë të Caktuar në Sistemin Prokurorial;

Miratoi Rregulloren për Vlerësimin e Rezultateve të Punës të Stafit Administrativ të Sistemit Prokurorial;

Aprovoi dërgimin e propozimit te Presidentja për lirim nga detyra të Kryeprokurorit të Prokurorisë së Apelit, z. Xhevdet Bislimi, me rastin e pensionimit;

Konfirmoi listën e kandidatëve që kanë aplikuar për Kryeprokuror të Prokurorisë së Apelit dhe kryeprokurorë të prokurorive themelore në: Ferizaj, Pejë, Mitrovicë, Gjilan dhe Prizren;

Miratoi Raportin përfundimtar të Komisionit për Vlerësimin e Performancës së Prokurorëve për vlerësimin e performancës së dymbëdhjetë (12) prokurorëve të Grupit të III-të;

Miratoi Raportin përfundimtar të Komisionit për Vlerësimin e Performancës së Prokurorëve për vlerësim e performancës së dhjetë (10) prokurorëve të Grupit të V-të;

Miratoi Raportin përfundimtar të Komisionit për Vlerësimin e Performancës së Prokurorëve për vlerësim e performancës të nëntë (9) prokurorëve të Grupit të VI-të;

Miratoi Raportin e Panelit Hetimor për shkeljet disiplinore të një prokurori në Prokurorinë Themelore në Prizren, ndërsa vendimi i KPK-së do të publikohet në përputhje me ligjin në fuqi;

Aprovoi kërkesën e partnerëve ndërkombëtarë për qasje në dokumentet e kandidatëve në procesin e përzgjedhjes së kryeprokurorëve, me mundësinë e shikimit të plotë dhe jo kopjimit apo posedimit të këtyre dokumenteve;

Autorizoi Komisionin për Çështje Normative për plotësimin dhe ndryshimin e Rregullores për Shtesat dhe Kompensimet për të Punësuarit në Sistemin Prokurorial;

Autorizoi Komisionin për Çështje Normative për plotësimin dhe ndryshimin e Rregullores për Veprimtarinë, Organizimin e Brendshëm dhe Sistematizimin e Administratës së Këshillit Prokurorial të Kosovës./Arbresh.info